جب ان يكون لنا نظره مبعديه .....
فى حروب الجيل الحسب الله السادس عشر ...
اليوم 20مايو 2019 ارهاصات بدايات معركه التكنولوجيا التى تختلط فيها المعلومات بالسياسه والاقتصاد ...العالم كله صاحى على خبر ان جوجل حلفت عظيم يمن بالتلاته على هواوى ماهى ماعتبه الاندرويد وراسها والف جزمه ماهتشم حزمه برامجها تانى
تقريبا الموضوع كمان هينسحب عى شركات تصنيع الرقائق والبريسسورز زى intel انتل وquad broغيرها الى اعلنوا فعلا انهم هيقطعوا ميه ونور وسيلكون على هواوى
...القرار شكله كده بيجامل المعلم ترامب ...
ترامب من ساعه ما قعد ع المكتب البيضاوى وهو قارش ملحه الصين ...وبيجرشكلها باى طريقه ...ومش طايق التمدد الصينى الى طال كل شء فى العالم . ومش طايل يعملها حاجه راح مطلع غلبه على هواواى ...
طيب مبدايا كده ...جوجل مش مجرد محرك بحث على النت (search engine ) ابدا ابسلوتلى ... جوجل الشركه تمتلك جوجل ( SEARCH ENGINE ) محرك البحث رقم واحد فى العالم اللى بيسيطر على 90.39% من عمليات البحث على النت عشان تتخيل كده جوجل بيتلقى عدد63000 عمليات بحث فى الثاتيه الواحده يامؤمن .
مش دى القضيه ...القضيه تاثيرها واستحواذها فى التجاره الالكترونيه...جوجل بتستحوذ على % 90 من حجم الاعلان على الانترنيت الى هى برده اصبحت 90% من حجم الاعلانات بصفه عامه على الكوكب كله .
تقريبا كده جوجل بيصدرفى المتوسط 6 اعلانات يوميا لكل بنى ادم على وجه الارض مع افتراض ان الجميع متصل بالانترنت .
جوجل استحوذت على شركه اندرويد ب 50 مليون دولار فى عام 2005 ثم طورت نظام الاندرويد ANDORID كنظام تشغيل مفتوح المصدر الى بالمناسبه فشخ وينوز موبيل وقضى على مشروع مايكروسوفت MICROSOFT لانتاج I-MATE كموبايل منافس لايفون ابل وقضى فى سكته على عظماء الموبيل امثال على اريكسون ونوكيا وhtc الله يرحمهم . وفى السكه اشترت موتورولا نفسها 12.5 كليار دولار 2011
وتربع على عرش الانظمه مع IOS بتاع APPLE الى هو عمليا مفيش اى موبيل حاليا على الكوكب بيستخدم اى نظلم تالت …
برده مش دى القضيه ...حزمه البرامج الى تمتلكها جوجل وتقدر قيمتها السوقيه ب 2006 مليار و 650 مليون دولار . " خلى بالك 2006 مليار مش سنه 2006"
و تحتوى على الاتى
YOUTUBE
يوتيوب ذاكره الامه الديجييتال والمنصه الاولى لاطلاق اى media فى العالم بنتكلم عن الكوكب كله برده ساعات المشاهده تتعدى مليار ساعه يوميا 100 مليون زائر يوميا والموقع يحمل 1.6 مليون فيلم تقريبا
MAPS
غنى عن التعريف البرنامج الاول فى العالم فى الخرائط والمدن والتتبع و الاعلان المحلى وهو yeloow page LOCAL العصر الحديث المرتبط بالمكان و الاعلان عن طريق users و rating , reviews
CHROME
المتصفح رقم 1 فى العالم بنسبه 90%والذى قضى على الاكسيبلورر WINDOWS EXPLORER بتاع مايكروسوفت الله يرحمه .
GOOGLE BUSINESS ADDWORD
اكبر منصه اعلان فى التاريخ 100مليون دولار فى اليوم دى المسئوله عن الاعلانات الى بتطلعلك وانت بتدور فى جوجل
وبيعلن عليها ك اصحاب البزنس فى العالم على اختلاف حجمه من اول فودافون مثلا لغايه اصغر عربيه كبده فى غمره
بقى ان تعرف ان جوجل منذ انطلاقها استحوذت على 194 شركه منها على سبيل المثال لا الحصر ITA بتاع الطيران و .اكسيبديا بتاعه حجوزات الطيران ....دول بيتحكموا تقريبا فى 80% من سوق بيع تذاكر الطيران فى العالم .
هواوى اتحطت بلاك ليست وممنوعه من التعامل مع الشركات الامريكيه ؟؟؟ طب ليه ؟؟؟
هواولى تفوقت عىل Iphone فى حجم المبيعات العام الماضى ...
I phone الى هى اول شركه فى العالم تتجاوز حاجز التريليون دولارحجما برده العام الماض ...
مالحقتش تتهنى امازون خطفت منها اللقب وحطت جيف بيزوس فوق بيل جيتس(بتاع مايكروسوفت) لاول مره من 20 سنه فى منصب الرجل الاغنى فى العالم وفى التاريخ بالمناسبه حسب Forbs الراجل ده بيعد ع السفنجه 260 مليون دولار كل طلعه شمس....
ايوا مافيش خطأ فى الرقم الى سعادتك قريته 260 مليون دولار ولو مش مصدقنى اسال جوجل ...بس جوجل بالذات مش هيقولوا الحقيقه فى الموضوع ده ...
ترامب نفسه غار منه وضقش فيه وقال ان لازم امازون تدفع ضرايب زياده لانها بتحمل بزياده ع البريد ...اه والله قال كده ..الى هومش عارف يقلب الراجل منين ....
البريد اصلا كان زمانه فلس لولا امازون ...ياعم الحج.
طيب اذا كان عمل كده مع امازون تخيل بقى .... هيعمل ايه مع هواوى ؟؟؟
مش بس كده هواواى وصلت فعلا ...لتكنولوجيا5G قبل امريكا ودى كلمه السر الى محتاجاها حاجات كتير اولها واهما وليس اخرها السيارت الذكيه ذاتيه القياده زى تسلا بتاعه عمنا عم الناس الانتربرنور الكبير قوى اليون ماسك ... ايوا بتاع حسن شاكوش ...لان السرعات دى هى المطلوبه فعلا لتخطى سرعات رد الفعل البشرى فى القياده ...
عشان نفهم فرق السرعات من G3 الى 4G كان مئات الاضعاف ...
من G4 الى 5G فهى كما قال الفيلسوف حكيم ...ولا واحد ولا ميه ولا الف وتلتمايه ولا مليون ....
واواى بتطور شبكات المحمول فى ايران وسوريا
هواوى من المؤكد انها هتكسب مناقصه تنفيذ تكنولوجيا 5Gالمطروحه فى المانيا فى مارس والتى تلقت بدورها تحذير رسمى من امريكا بالسماح لهواوى من تنفيذها ...
امريكا الى بتتجسس على تليفون ميركل ....اه عادى يعنى ...
الموضوع ده يثير جدل كبير فى المانيا ...
طبعا المعلن ان واوى متهمه بالتجسس ... وجمع معلومات غير مبرره عن المشتركين ...
ماهو طبعا لما تبقى شركه صينى وCEO المؤسس " Ren zhengfei " اسمه كده ...راس كبيره فى الحزب الشيوعى الصينى وبنته هى ceo وتوصل للمستويات دى فى التحدى فلازم الفكره تيجى فى الدماغ كده...
فى كمان نطوره كلام انها مدعومه من الحكومه الصينيه ...
كندا اوقفت ceo بتاع واواى Meng Wanzhou ولاحظ انها واخده اسم امها مش ابوها بتاع الحزب الشيوعى الصينى بناء على اتهامات امريكيه للشركه بالتجسس واخفاء الارباح واللسته دى المعروفه من الاتهامات ...
طبعا مش هنقدر نقول ان هواوى بريئه اوى من التهمه دى لانها بتلم معلومات ازيد من اى حد.... طبعا دى قرينه مش دليل ....بس فى حالتنا مفيش مجال للشبهات مع الامن القومى
وبعيد عن العين لكن فى الصوره فى اوضح مكان قضيه faceboook مع كمبردج انلاتيكال Cambride analytica واستجواب زكربرج نفسه فى الكونجرس على اثر اتهامات ل فيسبوك بانتهاك الخصوصيه وجمع المعلومات
يواجه فيسبوك غرامات وعقوبات تصل لمليارات الدولارات فى امريكا والاتحاد الاوروبى وبعض دول العالم الاخرى.
وخد الخط لاخره توصل للاتهامات المتكرره لروسيا بالتاثير فى الانتخابات الامريكيه الى هى لاطه المعلم ترامب برده والى دفعت النائب العالم الامريكى لاصدار مذكرات اتهام ل حوالى 21 روسى الجنسيه معظمهم من رحال المخابرات ...
هواوى ردت وقالت ....مكملين ...
هتكمل وطرحه موبايلها الجديد مع operating sys. Ming ging
قالتلك وبالنظام الجديد بتاعنا زنج منج الى كانت عاملاه ومخبياه ...
ده معناه انها اكيد مطوره حزمه برامج كامله مكافاه ل google playst
باناسونيك شافت انها توجب مع جوجل وراحت خابطه فى واوى
التوقع ان سامسونج تعمل كده كمان لانها من اكبر المنافسين ليها فى مجال اجهزه الموبايل ...مش عايزه مفهوميه يعنى .
كل الناس شايفه ان هواوى بتلعب فى عداد عمرها وانها مش هتقدر تقاوم الديناصورات دى
فى راى المتواضع قد يكون العكس تمام وبدايه النهايه لعصر الديناصورات
الحقيقه لازم هنا احى فكره الحج ابوعرايس اننا نستغل وقوعهم فى بعض وننزل" بسيكو" فخر التكنولوجيا الصناعيه المصريه يقش السوق ....
و مسير الحى.............. يتسفلت
زى ما الامتحانات بقت ع التابلت
